هقولك نصيحة وهتدعيلي في يوم من الأيام عليها
لو اتطلب منك شغل في وقت إنت عارف إنه مش منطقي
متضغطش نفسك وتقول هعمله عشان أثبت إني شاطر
أنا عملت كده في بداية شغلي كتير
كنت بضغط على نفسي جدًا وأقعد ساعات زيادة وأخلص الحاجة في وقت أقل بكتير من الطبيعي
وكنت فاكر إن كده الناس هتقدر المجهود ده
الحقيقة لأ 😅
إنت لما تعمل شغل محتاج 3 أيام في يوم مرة
المرة اللي بعدها محدش هيفتكر الضغط اللي إنت ضغطته على نفسك
هيفتكر بس إن إنت بتعمل الشغل ده في يوم
ومن هنا تبدأ المشكلة
عشان كده لو الوقت مش منطقي قول من الأول الوقت اللي الشغل محتاجه فعلًا
إنك تقول حاضر على كل حاجة مش معناه إنك شاطر
أوقات معناه بس إنك بتجهز لنفسك ضغط أكبر بعد كده.