محتاج مساعدتكم في موضوع شخصي وإنساني شوية ❤️
عندي زميل من أيام الدراسة في كلية الهندسة – جامعة عين شمس، اسمه أسامة، وحابب أساعده في بداية مشواره المهني.
أسامة مرّ خلال سنوات الدراسة بظروف حياتية قاسية جدًا، ونتيجة لهذه الظروف استمرت رحلته في الكلية حوالي 10 سنين. ورغم كل الصعوبات، ورغم إن الطريق كان طويل وشاق جدًا، أسامة قدر في النهاية يكمل وينجح ويتخرج من قسم الري والهيدروليكا.
تخرجه في حد ذاته بالنسبة لكل الناس اللي عرفوا ظروفه وشافوا رحلته، إنجاز كبير جدًا يستحق التقدير.
حاليًا أسامة بيدور على فرصة عمل كمهندس حديث التخرج، وخصوصًا في مجال الري والهيدروليكا أو أي مجال هندسي مناسب يقدر يبدأ منه حياته المهنية ويثبت نفسه.
لو حد من الزملاء أو أصحاب الشركات أو المكاتب الهندسية عنده فرصة مناسبة، أو يقدر يساعد في ترشيحه أو توصيل الـCV لجهة ممكن تحتاج مهندس، ياريت يتواصل معايا.
مش مطلوب أكتر من فرصة عادلة يبدأ بيها، والباقي عليه.
ولو مش قادر تساعد بفرصة عمل، مجرد Share للبوست ممكن يوصل لحد يقدر يساعد.
كل الشكر والتقدير لكل حد هيحاول يساعد أسامة في بداية مشواره 🙏